CD Rois

Club/ 05 de Octubre de 2017

-cdr-

Non ía a ser un encontro fácil para os nosos rapaces. De antemán ia ser un partido moi disputado dende o principio ata o seu final. Arrancaba o encontro as 11 da mañá con unha lixeira borralleira que deixaba o campo da braña rápido pero nunhas condicións estupendas para a práctica deste fenomenal deporte que é o fútbol.

Primeiros minutos de bo xogo no medio do campo do Riveira que quería facerse co control do xogo pero nos cales o equipo local dispoñería das mellores ocasións. Varias internadas de Sergio con perigo e algún que outro tiro dende fora da area de Nico, Fuentes e unha fermosa xogada de Brais, que é quén de irse de todos cantos lle saen o seu paso para finalmente disparar a porta tendo que obrigar o gardameta do Riveira a facer unha boa intervención mandando o esférico a córner.

Non sería ata o minuto 14 , cando nunha boa triangulación no medio do campo, Nico Gabino manda un balón largo a banda esquerda facéndose con el Fuentes que nunha gran subida por banda metese na area visitante e con un gran disparo bate o gardameta visitante poñendo os locais por diante no marcador.

Pouco duraria a ledicia local xa que no saque dende o centro do campo por parte do Riveira o Rois veriase sorprendido por unha boa triangulación de balón que remataría en gol poñendo o encontro en táboas. Minutos de mal xogo dos locais que vían como o partido e incluso o xogo se poñían en contra. E froito destes minutos de desconcerto , outro balón as costas da defensa, volvía a poñer o equipo visitante por diante no marcador.

Xa na segunda metade o Rois volvería a facerse co dominio do encontro dispoñendo de algunha que outra ocasión de poñer táboas de novo no marcador pero non seria ata o minuto 49 cando nun roubo de balón no borde da area grande local, Nico manda o balón a banda esquerda que recolle Brais e nunha contra rápida, marchándose da súa marca poría un centro medido que aproveitaría Rauliño ganándolle as costas da defensa para mandar o balón pegado o pao o fondo das mallas, e así poñer o empate no marcador que seria o resultado final do encontro.

Os últimos minutos serian moi disputados polos dous equipos pero o resultado xa non se movería. O final reparto de puntos e partido entretido no campo da Braña. A seguir pelexando.

Crónica: iep